Günümüzdə qadınlar arasında xərçəng xəstəliyi geniş yayılıb. Xüsusən də uşaqlıq boynu xərçəngi.
Ginekoloq Əkbər İbrahimov deyir ki, bu xəstəliyiə qarşı yəni qadınlar arasında ən çox yayılan uşaqlıq boynu xərçənginin peyvəndi var. Onun sözlərinə görə 11-12 yaşılı qızlar bu peyvəndi etdirməklə gələcəkdə uşaqlıq boynu xərçənginə tutlmaqdan qurtula bilərlər.
Gineokoloq onu da qeyd edir ki, uşaq dünyaya gətirən qadınların bir çoxu bədən formasını itməmək məqsədilə körpələrinə süd vermirlər. hətta südüm yoxdur deyə bəhanələr gətirən analarda az deyil. Amma övladlarını əmizdirməyən ,uşağını süddən kəsən analarda bilməlidirlər ki, onlarda süd vəzi xərçəngi yarana bilər. Əkbər İbrahimin sözlərinə görə, qadınlar arasında ən çox rast gəlinən xərçəng növü məhz süd vəzi xərçəngidir.
Bundan əlavə onu da qeyd edək ki, hər il dünyada 1 milyondan çox bu diaqnoz ilə xəstələnmə hadisəsi qeydə alınır.
Son zamanlar qadınlar arasında geniş yayılan xəstəliklərdən biri də, miomalardır. Bu xəstəlik əsasən 40 yaşlarında olan qadınlarda rastlanır. Ginekoloq bildirir ki, miomalar genetik faktor daşıyır. Xəstəliyin isə yaranma səbəbləri tam olaraq bəlli deyil.
Şahnun Qasımova
Türkiyədə baş verən zəlzələdə ölənlərin sayı 48 minə çatdı.
Bunu ölkə Prezidenti Rəcəb Tayyib Ərdoğan Hatayda çıxışı zamanı deyib.
O, 115 mindən çox yaralı olduğunu bildirib.
Qeyd edək ki, fevralın 6-da ocağı Türkiyənin Kahramanmaraş şəhərinin Pazarcık rayonunda olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub.
Zeynəb Müzəffərli
Yer üzündə həyatın yaranmasına səbəb ola biləcək zülalın bir hissəsi tapılıb.
Bu barədə Ratgers Universitetinin alimləri tədqiqat aparıblar.
Araşdırmaya görə bu kəşf sayəsində tədqiqatçılar həyatın yaranması astanasında olan planetləri müəyyən edə biləcəklər. Belə ki, alimlər müasir zülalları tədqiq etməklə işə başlayıb və onların strukturunu sadələşdiriblər.
Bir sıra eksperimentlərdən sonra tədqiqatçılar ən yaxşı namizədin “Nickelback” adı verilən peptid olduğu qənaətinə gəliblər. Peptid 13 amin turşusundan ibarətdir və iki nikel ionunu birləşdirir.
Məhz bu maddə sayəsində təxminən 3,5-3,8 milyard il əvvəl planetdə həyat yaranmağa başlayıb. Tədqiqatçıların fikrincə, nikel erkən okeanlarda geniş yayılıb. Peptidlə bağlandıqda, nikel atomları güclü katalizatorlara çevrilib, əlavə proton və elektronları cəlb edib və hidrogen qazı yaradıb. Nəticədə bu hal planetdə həyat olmasına səbəb olub.
Sevinc Hüseynova
Azərbaycanda Səhiyyənin Təminat Mərkəzi yaradılır.
Bununla bağlı Prezident İlham Əliyev müvafiq fərman imzalayıb.
Fərmana əsasən, Səhiyyə Nazirliyi öz tabeliyində “Səhiyyənin Təminat Mərkəzi” publik hüquqi şəxsi yaratmalı və bu barədə Azərbaycan Prezidentinə məlumat verməlidir.
Müəyyən edilib ki, qurumun “Publik hüquqi şəxslər haqqında” Qanunun 8.2-ci maddəsində nəzərdə tutulan təsisçisinin səlahiyyətlərini nazirlik həyata keçirir.
Qurumun saxlanılması xərcləri 2023-cü il və növbəti illərin dövlət büdcəsinin mərkəzləşdirilmiş xərclərində nazirlik üçün nəzərdə tutulmuş vəsait çərçivəsində həyata keçirilir.
Nazirlik qurumun nizamnaməsini, strukturunu, işçilərinin say həddini və əməkhaqlarının məbləğini (vəzifə maaşını, vəzifə maaşına əlavələri, mükafatları və digər ödənişləri) bir ay müddətində təsdiq etməlidir.
Qurumun dövlət qeydiyyatına alınması üçün onun nizamnaməsi təsdiq edildikdən sonra 3 (üç) gün müddətində “Hüquqi şəxslərin dövlət qeydiyyatı və dövlət reyestri haqqında” Qanunla müəyyən edilmiş qaydada tədbirlər görməlidir.
