Hazırda ürək-damar sistemi xəstəlikləri bütün dünyada əsas sağlamlıq problemlərindən biri sayılır. Hər il ürək xəstəliklərindən əziyyət çəkənlərin sayı artır.
Təəssüf ki, bu xəstəliklər daha da cavanlaşır. Buna baxmayaraq, belə bir ciddi xəstəliklə mübarizə aparmaq üçün bir çox yollar var. İlk növbədə sağlam həyat tərzinə riayət etmək lazımdır. Kardioloqların çox sadə tövsiyyələrinə riayət etməklə ürək-damar sistemini xəstəliklərdən qorumaq mümkündür.
1. İlk öncə siqareti buraxın
Siqaret təhlükəli bir vərdişdir. Hətta bir siqaret çəkdikdən sonra damarlar sıxılır, qan təzyiqi yüksəlir, tromboz və damarların tıxanması riski artır.
2. Daha çox hərəkət edin
Fiziki fəaliyyət ürək üçün bir şərtdir. Bu ürək-damar sistemini gücləndirir, qan təzyiqini normallaşdırır və xolesterolu və qan şəkərini azaldır.
3. Qan təzyiqini idarə edin
Artan təzyiq nəticəsində damarların divarlarına düşən yük artır, damarlar zədələnir. Mütəxəssislər ideal təzyiqin 120/80 olduğunu düşünürlər. Yaşlı insanlar, kilolu insanlar, şəkərli diabet və çox siqaret çəkənlər - hipertenziyanın inkişafı riski daha çoxdur. Təzyiq 140/90-dan yüksəkdirsə, bu tam hipertenziyanı göstərir.
4. Xolesterolunuzu idarə edin
Xolesterol insan sağlamlığının vəziyyətini xarakterizə edən göstəricilərdən biridir. Xolesterolun səviyyəsi hətta sağlam insanlarda ən azı 2 ildə bir dəfə yoxlanılmalıdır. Yüksək xolesterolu olan insanlar altı ayda ən azı 1 dəfə müayinə olunmalıdırlar.
5. Qan şəkərinizi nəzarətdə saxlayın
Şəkərin yüksək səviyyəd olması damarların zədələnməsinin əsas səbəbidir. Zədələnmiş damarlarda xolesterin yığılmağa başlayır ki, nəticədə damarla daralır, öz elastikliyini itirir, partlamaya meylli olurlar. Bu səbəbdən şəkərli diabet xəstələri şəkərin səviyyəsini daim normada saxlamalıdır. Bu işdə xüsusi dərman preparatları, fiziki aktivlik və pəhriz yardım edir.
6. Çəkinizə diqqət yetirin
Piylənmə ürək-damar xəstəliklərinin əsas səbəblərindən biridir. Risk qrupuna çox miqdarda visseral (qarın boşluğunda toplanmış) piy olan insanlar daxildir. Piy qarında və daxili orqanlarda - qaraciyərdə, böyrəklərdə, mədədə toplanır. Bu bədən yağı dərialtı yağdan daha təhlükəlidir, çünki ondan qurtulmaq daha çətindir.
7. Qidalanmanıza fikir verin
Ürək sağlamlığı üçün qidalanmanıza həmişə bitki mənşəli qidaların (tərəvəzlər, göyərtilər, qoz-fındıq, toxum, dənli bitkilər) olması tövsiyyə olunur. Yağlı balığın istehlakı (somon, sardina) da çox vacibdir. Ayrıca, fermentləşdirilmiş qidalardan (kələm, qatıq və kefir) və sağlam yağlardan (zeytun, kətan, susam yağı) istifadə etmək lazımdır.
Saglamolun.Az
