Lyambliya və qurdlar heç bir aparatla tapılmır və müalicə olunmur - Pediatrdan AÇIQLAMA

Uşaqlarda qurd invaziyaları həmişə aktual məsələ olub.

Analar ilboyu övladlarında hər hansı problemi qurda bağlayır, çoxsaylı analiz və müayinələrlə uşaq orqanizmində qurd axtarırlar.

Medicina.az bildirir ki, daha çox gündəmdə olan, tapılması bir qədər müşkül hesab edilən lyamblya əslində qurd deyilmiş. Pediatr Şəlalə Həsənova bildirib ki, lyamblya birhüceyrəli ibtidaidir. Onun qurd olunaraq bilinməsi və təsviri yanlışdır.

"Lyambliya USM müayinə zamanı öd və öd yollarında görünə bilməz. Kİmsə USM-də öddə lyamblya gördüm deyirsə inanmayın.  Barmaq ucuna taxılmış hansısa aparatların siqnalları da lyamblyanı tapa bilməz. Bu aparatla müyinə və müalicə gülüncdür. Dünya səhiyyəsi belə bir aparatları  tanımır. Çox həkimlər uşaqları və valideybləri qanda İG G, İG A analizləri ilə yükləyir, yorur.

İstərdim valideynlər birdəfəlik bilsinlər ki, qurdlar və lyamblya yalnız nəcis analizi ilə təyin edilir. Bir dəfə nəcis analizində hətta tapılmaya bilər. Ona görə ən azı 3 gün fasilə ilə 3 dəfə analiz vermək lazımdır. Düzdür, asan deyil, yorucudur, uzundur, amma başqa metodlara vaxt və maddiyat sərf etməkdən çəkinin".

Lyamblyanın müalicəsi mümkündürmü və bu zaman hansı metod seçilir? Pediatr bildirdi ki, digər qurd növlərinə təyin edilən preparatlar lyamblyozu müalicə etmir.

"Bir qurd əleyhinə siropla həm askaridoz, həm enteribioz, həm də lyamblyozu müalicə edəcəyinə inanmayın. Apteklərdə satılan və yaxınların tövsiyyə edəcəyi bitki tərkibli preparatlar isə təkbaşına    nə lyamblyozu,nə helmintozu müalicə edə bilməz.

Kimyəvi prepat zəruridir. Onu da peşəkar həkim müvafiq analizlərdən sonra yazmalıdır. Valideynlərə tövsiyyəm budur ki, qurd və lyamblya axtarışına təkbaşına çıxmayıb, düzgün yolu seçsinlər".

Saglamolun.Az




loading...

15-20 yaş daha cavan görünməyin YOLLARI

HƏKİMLƏR

Pərvin Mikayılzadə

Pərvin Mikayılzadə

Ginekologiya

Mama-ginekoloq İş stajı – 20 il

Ətraflı...
Kəmalə Rəhimova

Kəmalə Rəhimova

Mammologiya

Mammoloq-onkoloq İş stajı - 10 il

Ətraflı...
Aytəkin Quliyeva

Aytəkin Quliyeva

Trixologiya

Trixoloq (saç üzrə mütəxəssis) İş stajı - 10 il

Ətraflı...

 


Яндекс.Метрика