Filippində yaşayan 14 yaşlı qız doğulduğu gündən özünə yapışıq halda olan əkizinin orqanlarını bədənində daşıyır.
Moderator.az xəbər verir ki, əkizinin orqanları ilə doğulan qızın bədənində iki əlavə qol və bir gövdə var. Özü böyüdükcə bədəninə yapışıq orqanların da böyüdüyünü bildirən kiçik qız artıq bu vəziyyətin dözülməz bir hal aldığını deyir.
Azyaşlı qız qarnından çıxan maye səbəbilə daim geyimləri nəmli bir şəkildə gəzmək məcburiyyətində qalır. Çıxan mayenin olduqca pis iy verməsi qızı məktəbdə və dostlarının yanında çətin vəziyyətdə qoyur.
Kiçik qız kəndlilərin köməyi ilə toplanan pul sayəsində tezliklə əməliyyat olub xilas olacağı ümidi ilə yaşayır. Həkimlər qızın qısa müddət ərzində sağlam və normal bir həyata davam edə biləcəyini deyir.
Saglamolun.Az
