Suların saxlanması üçün müxtəlif materiallı qablardan istifadə edilir. Bundan əlavə, mətbəxlərdə su təmizləmə filtrləri də son zamanlar geniş istifadə edilir. Amma mağazalardan alınan sular adətən plastik qablarda saxlanılır. Bəs, istifadə müddəti bitmiş plastik qabdakı suyu içməyin orqanizmə zərəri varmı?
Əgər siz davamlı olaraq plastik və ya şüşə butulkalarda satılan suyu daha təmiz və sağlam olduğunu düşünürsünüzsə, yanılırsınız. İspaniyada aparılan yeni araşdırma su istehlakımızla bağlı bəzi əsaslı faktları ortaya çıxarıb.
Mütəxəssislərin sözlərinə görə, sağlam insan hər fürsətdə gündə 2-3 litr su içməlidir. Ancaq bu nöqtədə istehlak etdiyimiz suyun keyfiyyəti böyükdür. Çünki gündəlik istifadədə tez-tez istehlak edilən qablaşdırılmış su həm ətraf mühit, həm də sağlamlığımız üçün ciddi risklər daşıyır.
İstehlakçı Dərnəkləri Federasiyasının (TÜDEF) sədr müavini Sinan Vargı bir çox qida məhsullarının istehsalı ilə son istifadə tarixi arasında məqbul istifadə müddətinin olmasına baxmayaraq, plastik butulka sular üçün belə bir vəziyyətin olmadığını bildirib.
Bazarda son istifadə tarixi 15-18 ay olan plastik qablarda su markaları var. Bu müddətdə suyun keyfiyyəti necə olur? İstifadə tarixini uzun yazaraq istehsalçı şirkətlər məsuliyyətdən yayınırlar. Bununla bağlı qanunvericiliyin tələblərinə yenidən baxılmalıdır.
Uzun müddət plastik qabda qalan suya kimyəvi maddələrin keçə biləcəyi ehtimalı böyükdür. Suyun tərkibində dəyişikliklər kanserogen maddələrin çoxalmasına səbəb ola bilər.
Amma şüşə butulkalarda saxlanılan sularda bakteriyalar daha az olur. Plastik butulkalarda isə saxlanılan sularda xüsusilə, günəş şüalarının təsirinə məruz qaldıqda bakteriyalar artır, zərərli kimyəvi maddələr suyun tərkibinə keçir.
Bu baxımdan uzun müddət öncə qablaşdırılmış plastik qablardakı sulardan istifadə etmək sağlamlıq üçün təhlükəli hesab edilir.
Sevinc Hüseynova
Saglamolun.Az
