Dekabrın 14-də, saat 00:00-dan etibarən Azərbaycan ərazisində ciddi karantin rejimi tətbiq olunacaq, bir çox rayona giriş-çıxış bağlanacaq.
Sərtləşmiş karantin dövründə respublikanın digər rayonlarında olan Bakı qeydiyyatlı şəxslərin Bakıya qayıtmaları necə olacaq?
DİN-in mətbuat xidmətindən axar.az-ın sorğusuna cavab olaraq bildirilib ki, Bakı qeydiyyatlı şəxslərin Bakıya qayıtmalarına icazə var:
“Respublikanın digər şəhər və rayonlarına getmiş Bakı şəhərində daimi qeydiyyatda olan şəxslər fərdi avtomobilləri ilə, avtomobili olmayanlar isə hər bir rayonun (şəhərin) hüdudunadək taksilərdən istifadə etməklə paytaxta qayıda bilərlər”.
Saglamolun.Az
