Ankarada dünyaya gələn Ecrinin həyatı 40-günlük olarkən evlərinə gələn qonağın bir öpüşü ilə cəhənnəmə dönüb.
BAKU.WS Türkiyə mətbuatına istinadən xəbər verir ki, qonağın ağız suyundan keçən pnevmokokk infeksiyası onun əvvəlcə meningit, sonra isə serebral iflic olmasına səbəb olub.
Ölümdən dönən 9 yaşlı qızcığaz bu vaxtadək 3 əməliyyat keçirib və həyatda olduğu müddətdə hələ neçə belə əməliyyatlar və müalicələrə məcburdur.
Ecrin, Bilnur və Metin Aydın cütlüyünün üç uşağından biridir. Nə yeriyə bilir, nə də danışır. Əməliyyatlar sadəcə onun azacıq hərəkət etməsinə kömək edib.
Ailə artıq onun müalicə xərclərini qarşılaya bilmədiyindən sosial şəbəkələrdə yardım istəyirlər.
Saglamolun.Az
