Sağlamlıq üçün idman çox vacibdir. Amma insanların əksəriyyəti gün ərzində idmana ya vaxt ayıra bilmir, ya da tənbəllik edirlər.
Tənbəllər üçün yorulmadan, çox hərəkət etmədən sağlam qalmağın bəzi yolları var.
1 neçə dəqiqə flamingo duruşu
“The Book About Getting Older” kitabının müəllifi və yaşlılıq xəstəlikləri mütəxəssisi Dr. Lucy Pollock səhər dişlərini fırçalayarkən bir neçə dəqiqə ərzində tək ayaq üstündə durduğunu deyir. Onun fikrincə, bununla idman salonuna getmədən, bədən tarazlığını tənzimləmək mümkündür.
Aparılan araşdırmalar da on saniyə ərzində tək ayaq üzərində dayanmağın faydalı olduğunu sübut edib.
60 saniyəlik squat hərəkəti
Squat hərəkəti əzələlərinin kütləsini və gücünü artırır. Maksimum faydalı olması üçün hərəkətin doğru şəkildə töətbiq edilməsi vacibdir. Ən yaxşı bədən məşqi olan bu hərəkət qamətin tam dik tutulması ilə edilir. Gün ərzində bir neçə dəqiqə bunu etmək orqanizmə olduqca faydalıdır. Squat, xüsusilə əzələ lifleri ve oksijen qəbulunda böyük təsirə malikdir. Squat hərəkəti ürək döyüntüsünü artırır və proteinin yağsız dokuya çevrilməsinə kömək edir.
Həftədə cəmi 11 dəqiqə soyuq suda üzün
Soyuk suya dalaraq bədən piylərindən azad ola bilərsiniz. Bu üsul aşağı iltihab və daha yüksək insulin həssaslığına qarşı faydalıdır.
Maddələr mübadiləsi və stress üzrə ixtisaslaşmış danimarkalı alim Dr. Susanna Soberg həftədə cəmi 11 dəqiqə soyuq suda üzməyin inanılmaz faydalı olduğunu bildirir.
Onun sözlərinə görə, soyuq suda bir neçə dəqiqə qalmaq belə bədənimizdəki "qəhvəyi piyi" aktivləşdirir, çünki onun məqsədi bizi isti saxlamaq üçün istilik yaratmaq üçün enerji yandırmaqdır. Soberqin fikrincə, suyun temperaturu 20 dərəcə olması kifayətdir. Qəhvəyi piyin aktivləşməsi, istiliyi artırmaq qabiliyyəti də birbaşa nisbətdə artır. Qan dövranından gələn şəkər və yağla qidalanmaq lazımdır. Bu yolla çoxlu kalori yandırılır.
Gündə 20 dəfə tullanın
Yaponiyanın Çukyo Universitetinin yeni araşdırmasına görə, gündə cəmi on və ya 20 dəfə tullanmaq sümük kütləsini və gücünü artırır, çünki tullanmanın təsiri sümük böyüməsini stimullaşdırır.
Cəmi 15 dəqiqə yoqa edin
Son araşdırmalara əsasən, gündə cəmi 15 dəqiqə yoqa rejimi ilə siz qan təzyiqinizi və ürək-damar xəstəlikləri riskinizi azalda bilərsiniz.
Yoqa otonom sinir sistemini tənzimləmək üçün çox faydalıdır.
Həftədə 15 dəqiqə tozsoran işlədin
Sidney Universitetinin tədqiqatçıları müəyyən ediblər ki, gün ərzində üç-dörd dəqiqəlik qısamüddətli güclü fiziki fəaliyyət – məsələn, uşaqlar və ev heyvanları ilə oynamaq, pilləkənləri sürətlə qalxmaq, yoxuşa çıxmaq və ya metroya çatmaq üçün qaçmaq – bir-biri ilə əlaqəlidir. Tədqiqatçıların fikrincə, həftədə 15 dəqiqədən çox tozsoran, süpürgə və çarşaf dəyişdirən insanlar bir çox sahədə həftədə 15 dəqiqədən az iş görənləri üstələyir.
Beləliklə, bəli, tozsoranınızı yeni idman zalı dostunuz kimi düşünə bilərsiniz. Ev işi ilə məşğul olan insanlar, çox vaxt, etməyənlərə nisbətən daha fit və güclü olurlar.
Sevinc Hüseynova
Saglamolun.Az
