Загрузка...

Xərçəng xəstəliyinin profilaktikası

İldən ilə bütün dünyada xərçəng xəstəliyinə tutulan insanların sayı artır. Bu səbəbdən bu xəstəliyin profilaktikası çox mühüm bir dünyəvi problemdir. Lakin sağlam hüceyrənin xərçəng hüceyrəsinə çervilməsi səbəbləri tibbdə hələ ki dəqiq məlum deyil.

Digər tərəfdən isə tibbdə bu xəstəliyin inkişafınının riskini artıran faktorlar məlumdur. Beləliklə müəyyən profilaktik tədbirlər kompleksi bizdə bu xəstəliyin inkişafının riskini azalda bilər.

Xərçəngin ilkin profilaktikasının ən effektli tədbirləri bunlardır:

- spirtli içkilərdən və siqaretdən imtina etmək. Bu əsas tədbirlərdən biridir. Həm spirtli içkilər, həm də siqaretlər insan orqanizmininə güclü toksik təsir edir ki, bunun nəticəsində sağlam hüceyrələrin xərçəng hüceyrələrinə çevrilməsi ehtimalı artır.

- tamdəyərli və sağlam qidalanma. Təzə mövsümi meyvə və tərəvəzlər, yağsız ət və balıq, təbii süd məhsulları (dükanlarda qutularda satılan yox!), müxtəlif yarmalar, təbii çörək və s. faydalı qidalar insanın pəhrizinin əsas hissəsini təşkil etməlidir.

İnsan qızarmış qidaların qəbulunu minimuma çatdırmalıdır. Yağda qızarmış və hisə verilmiş qidalar kanserogen ("canser" - xərçəng, "genes" - doğan) adlı maddələrlə zəngindir ki, bu maddələr xərçəngin inkişafına təkan verir. Sosiska, kolbasa, müxtəlif konservlərə yaxşı xarici görünüş vermək üçün nitritlər əlavə olunur ki, bu nitritlər ən güclü kanserogenlərdən biri sayılır.

Dükanlarda satılan hazır un məmulatlarına (peçenye, vafli, kekslər və s.), konservlərə, mayonezlərə, çipslərə və digər müxtəlif hazır qidalara külli miqdarda müxtəlif kimyəvi konservantlar, rəngvericilər, dad artıranlar və s. əlavə olunur ki, bunların bir çox hissəsi insanın sağlamlığına ciddi ziyan vurur, insanda xərçəng xəstəliyinin əmələ gəlmə riskini artırır. Təəssüf ki, bütün bu ziyanlı maddələr uşaqlar üçün olan hazır qidalara da  (müxtəlif "çöplər", "suxari"lər, peçenye, çipsi, şirniyyatlar və s.) əlavə olunur.

Marqarinlərin istifadə olunması da ziyanlıdır ki, onların hazırlanması zamanı kanserogen effektinə malik olan trans-yağlar əmələ gəlir.

Kif göbələyi də güclü kanserogendir. Bu səbəbdən kifli çörək, meyvə quruları, mürəbbələri və s. qəbul etmək çox təhlükəlidir.

Meyvə və tərəvəzlərin yetişdirilməsində pestisid və nitratlar istifadə olunur. Bu maddələr də güclü kanseroqen təsirinə malikdir. Bu maddələrdən özünü qorumaq üçün yediyiniz meyvə və tərəvəzlər mövsümi və yerli olmalıdır. Məsələn, qışda yediyiniz xaricdən gələn "təzə" çiyələk sizə yalnız ziyan gətirə bilər.

- bədən çəkisinin normallaşması. Artıq çəki orqanizmin normal fəaliyyətinin pozulmasına səbəb olur ki, nəticədə bu xərçəng xəstəliyinin inkişafına təkan verə bilər. Bir çox xəstəliklər (o cümlədəndə, xərçəng xəstəliyi) insanlarda məhz piylənmə fonunda inkişaf edir.

-  fiziki aktivlik. Fiziki aktivlik insanın sağlamlığının təminatıdır. Fiziki aktivlik zamanı orqanizm oksigen və digər lazımlı maddələrlə daha yaxşı təmin olunur. Fiziki aktivlik stresdən çıxmasına kömək edir, insan orqanizminin müdafiə funksiyalarını artırır.


Saglamolun.Az

.
Загрузка...
.

Şərhlər  

#1 shebnem 26.01.2014 20:06
Salam. Basimda arada kut agrilar olur. Urek doyuntusu kimi, sol terefde. Ureyime gelir ki, onkoloji bir sey olar. Ilde 1 defe qanimdan analiz verirem ve hec ne cixmir cox shukur. Umumiyyetle basda ya basqa orqanda bele bir sey olsa qan analizi bunu mutleq gosterir yoxsa basi rentgen etmek lazimdir?
Daha once xaldan emeliyyat olmusam. Deqiq bilmek istirem qan analizi kifayetdirmi? Cox sag olun
#2 Administrator 27.01.2014 15:54
1. Təbii ki, yalnız qan analizin əsasında heç bir diaqnoz qoymaq mümkün deyil (xüsusilə söhbət onkoloji xəstəliyindən getdikdə).
2. Baş ağrıları "arada" bütün, hətta tam sağlam, insanlarda olur. Baş ağrıları Sizi çox narahat edirsə, nevropatoloqa müraciət edin.
#3 Almaz 05.02.2014 07:38
Salam. Mende bir neçə illərdir ki mastopatiya var. Bir çox müalicə aldim keçmədi. Bir Türk həkimi Hamdi Köçerin qəbulunda oldum ve bunun bir xəstəlik olmadıqını söyledi. ve mene heç bir müalice yazmadi. Amma mende süd vəzilərinin uc hisselerinde pis qaşınmalar olur. Hekime soyldikde o bunun bu xestelikle əlaqəsi olmadiqini söyledi. Amma nahiyelerde hec bir qızartı ve maye sızıntısı yoxdur. Xahiş edirem bir məsləhət verəsiniz. Təşəkkür edirəm.
#4 Administrator 06.02.2014 13:58
Belə qaşınmalar bəzi qadınlarda menstruasiyadan əvvəl baş verir. Bunun səbəbi hormonlardır.
Digər səbəblər arasında - allergiya (yuyucu tozlara, ağardıcılara, büsthalterin parçasına və s.), dermatit və s.
Dermatoloqa müraciət edin.

Загрузка...

SON YAZILAR

Яндекс.Метрика