Bağırsaq parazitləri necə çoxalır? - TƏHLÜKƏSİ NƏDİR?
Bağırsaq parazitlərindən ehtiyatlı olun.
Bağırsaq parazitlərinə qarşı ən böyük ehtiyat tədbiri təmizliyə və gigiyenaya riyayət etməkdir.
Bunu türkiyəli qastroenteroloq Mustafa Yalçın deyib.
"Xalq arasında “pinworm, qurd, tapeworld, ascaris” adlandırılan parazitlər ürəkbulanma, qarın ağrısı, ishal, halsızlıq kimi simptomlarla özünü göstərir. Bağırsaq qurdları bağırsaqlarda yaşayan və tək bir hüceyrədən metr uzunluğa çata bilən müxtəlif parazitlərdir. Bunlar yediklərimizlə qidalanan parazit növləridir. Bağırsaq qurdlarının yumurtası yaxşı yuyulmayan tərəvəz və meyvələrdə, kifayət qədər bişməmiş ətdə, xəstə heyvanın ətindən hazırlanan yeməklərlə ağızdan orqanizmə daxil olur. Sonra bağırsaqda çoxalır, böyüyür və yetkinləşirlər. Onlar həmçinin nəcislə, çirklənmiş səthlərlə təmasda yayılır. Buna görə də əl gigiyenası çox vacibdir",-deyə həkim bildirib.
Onun sözlərinə görə, xüsusilə uşaqlarda bağırsaq parazitlərinin səbəblərindən biri də parklarda, küçələrdə, uşaq meydançalarında nəcislə çirklənmiş torpaqla oynamaq, çirkli əllərini ağızlarına salmaqdır. Tualet qapısının tutacaqları bu infeksiyaların yayıldığı yerlərdən biridir. Əllərin yaxşıca sabunlanması, tərəvəz və meyvələrin hərtərəfli yuyulması, ətin lazımi qaydada bişirilməsi, sağlam və təmiz su istehlakı bağırsaq parazitlərinə qarşı alına biləcək mühüm tədbirlərdir. Qapı tutacaqları, kranlar kimi səthlər yaxşı təmizlənməli, mənşəyi məlum olmayan suyu içmək məsləhət deyil.
İştahsızlıq və anemiya
Həkim onu da qeyd edib ki, bağırsaq parazitləri iştahsızlığa, yatarkən ağızdan tüpürcək axmasına, diş qıcamağa səbəb olur. vurğulayan “Qusma, qarın ağrısı, ishal, ürəkbulanma, anemiya və anusda qaşınma bağırsaq parazitlərinin yaratdığı digər şikayətlərdir. Bağırsaq parazitləri bir çox müxtəlif xəstəliklərin riskini artırır. Xüsusilə uşaqlarda inkişaf geriliyinə səbəb ola bilər. İshalla gündəmə gələn təhlükə maye itkisi, yəni susuzluqdur. Dehidrasiya ciddi və həyat üçün təhlükə yarada bilər. Bəzi parazitlərin sürfələri ağciyər və qaraciyər kimi orqanlarda yerləşərək həmin orqanlara xas şikayətlərə səbəb ola bilər. Onlar pnevmoniya və qanaxma kimi ciddi allergik reaksiyalar yarada bilər. Gigiyena olmayan yerdə xəstəliklər artır, parazitlər inkişaf edir. Bədənimizi parazitlərə təslim etməmək, xəstələnməmək üçün gigiyenaya diqqət yetirməli, lazımi tədbirləri görməliyik”.
Sevinc Hüseynova
