Astara rayonunda zəhərlənən qadının düzgün müalicə edilməməsi nəticəsində ölməsinə görə cinayət işi başlanılıb.
Prokurorluqdan "Qafqazinfo"ya verilən məlumata görə, oktyabrın 10-da rayonun Ərçivan qəsəbə sakini Elnarə Əliyeva “dərman zəhərlənməsi” diaqnozu ilə Astara rayon mərkəzi xəstəxanasına daxil olub və ertəsi gün orada ölüb. Aparılmış araşdırmalarla Elnarə Əliyevaya göstərilmiş tibbi yardımların tam həcmdə və vaxtında icra olunmaması, vəziyyətinin düzgün qiymətləndirilməməsi nəticəsində ölümün baş verməsi müəyyən edilib.
Faktla bağlı Cinayət Məcəlləsinin 314.2-ci (səhlənkarlıq ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb. Hazırda iş üzrə istintaq davam etdirilir.
Saglamolun.Az
