Gələn il 3 yaşına çatanadək uşaqlara qulluqla əlaqədar verilən müavinətlərin maliyyələşdirilməsi üçün növbəti ildə 15 mln. manat məbləğində vəsaitin xərc ediləcəyi proqnozlaşdırılır.
APA xəbər verir ki, bu haqda "Dövlət sosial müdafiə fondunun 2022-ci il büdcəsi" layihəsində məlumat öz əksini tapıb.
Hesablama Palatasının "Dövlət sosial müdafiə fondunun 2022-ci il büdcəsi" layihəsinə rəyində qeyd olunub ki, bu, cari ilin gözlənilən icrasından 3,7 mln. manat (32,7%), 2020-ci ilin faktiki icrasından isə 5,8 mln. manat (63%) çoxdur.
Qeyd edək ki, 2022-ci ildə ümumilikdə məcburi dövlət sosial sığorta haqları hesabına müavinətlər üzrə xərclərin 182,0 mln. manat olacağı proqnozlaşdırılır.
Saglamolun.Az
