ABŞ-nin İnsan Alveri Hesabatında məcburi əmək, işlə bağlı qaçaqmalçılıq və oğlan uşaqlarının alveri ön plana çıxıb.
ABŞ Dövlət Departamentinin hazırladığı son İnsan Alveri Hesabatı 188 ölkədə bu iki sahədə qaçaqmalçılığın Covid-19 epidemiyasından sonra artdığını ortaya qoyub.
Hesabatda deyilir ki, insan alverçiləri pandemiyadan istifadə edərək, onlayn saxta iş elanlarından istifadə edərək onlarla ölkədə böyükləri və uşaqları işə cəlb edirlər.
Xarici işlər naziri Antoni Blinken 2023-cü il hesabatı ilə bağlı verdiyi yazılı açıqlamada Seyşel adaları, Danimarka və Honq Konqun insan alverçilərinə qarşı yerli mübarizəsini yüksək qiymətləndirib.
Hesabatda son illərdə oğan uşaqlarının qanunsuz ticarətində böyük artım olduğuna diqqət çəkilib.
Birləşmiş Millətlər Təşkilatının bu mövzuda hesabatına toxunan Blinken, eyni dövrdə insan alverinin qurbanı olan kiçik və gənc kişilərin sayının qız və qadınlara nisbətən 5 dəfə artdığına diqqət çəkib.
İllərdir qaçaqmalçılığın yalnız qadınlara aid olduğuna dair yanlış təsəvvürün olduğunu ifadə edən Blinken bildirib ki, reallıq onu göstərir ki, cinsi kimliyindən asılı olmayaraq hər kəs insan tacirlərinin hədəfi ola bilər.
ABŞ-nin qara siyahısında hansı ölkələr var?
ABŞ Dövlət Departamenti insan alveri ilə bağlı hesabatında bu problemlə mübarizə aparmaq üçün səy göstərən və kifayət qədər iş görməyən ölkələrin siyahısını açıqlayıb.
Üç kateqoriyadan ibarət olan siyahıda birinci kateqoriya 2000-ci il İnsan Alveri Qurbanlarının Müdafiəsi Aktının bütün standartlarını yerinə yetirən ölkələri, ikinci kateqoriya isə qanunun minimum standartlarına tam əməl etməyən, lakin mühüm əhəmiyyət kəsb edən ölkələri əhatə edir. Qara siyahı kimi tanınan üçüncü kateqoriya minimum standartlara cavab verməyən və ya bunun üçün ciddi səy göstərməyən ölkələri əhatə edir.
Qara siyahıya salınan ölkələr arasında 11 ölkə birbaşa insan alverində ittiham olunur. Bu ölkələr Əfqanıstan, Birma, Çin, Kuba, Eritreya, Şimali Koreya, İran, Rusiya, Cənubi Sudan, Suriya və Türkmənistan kimi göstərilib.
Qeyd edilib ki, qara siyahıya düşən ölkələr üçün sanksiyalar tətbiq oluna bilər və ya Amerika yardımı kəsilə bilər.
medicalmedia.az
Saglamolun.Az
