Keçən ilin mart ayında Rusiyanın Perm şəhərində baş verən bir hadisə bütün Rusiyada böyük rezonsa səbəb oldu.
Saglamolun.az Rusiya KİV-lərinə istinadla bildirir ki, 49-yaşlı riyaziyyat müəllimi Valeriy Sıromyatov 7-ci sinif qız şagirdini dərs zamanı yanından vurdu. Şagird və onun anası polisə müraciət edərək müəllimi bu və digər seksual hərəkətlərdə ittiham ediblər.
Müəllimin sözlərinə görə, heç bir seksual hərəkət, təcavüz və s. baş verməyib. Şagird müəllimin masasının yanında dayanıb israrla ona qiymət yazmağı xahiş edirdi: “Mən dedim – testini yaz, “3”-nü al, get. Uşaq getmirdi. Mən onu kənara çəkmək istədim və əlim təsadüfən onun yanına dəydi. Mən üzr istədim və fikirləşdim ki, insident bununla bitdi”.
Lakin bu baş vermədi. Müəllimə qarşı istindaq başlayıb və bu ilin iyun ayında məhkəmənin qərarı ilə Valeriy Sıromyatova 9,5 il cəza verilib. Müəllim bu cəzanı sərt rejimli koloniyada çəkəcək.
Məktəb kollektivi, şagirdlər və onların valideynlərinin əsəriyyətinin fikrinə görə, müəllim heç bir seksual hərəkətlər etməyib və ona böhtan atılıb.
Maraqlıdır ki, dövlət ittihamçısı məhkəmədə heç bir real sübut təqdim etməyib – uşağın bədənində seksual hərəkətlərə işarə edən heç bir izlər (göyərmələr və s.) aşkar olunmayıb, hər hansı şübhəli telefon yazışmaları, mesajlar və s. yoxdur. Bütün ittiham uşaq və onun anasının ifadələrinə və uşağın bir neçə rəfiqəsinin şərti dəlillərə əsaslanır.
Yaxın günlərdə Azərbaycanda da oxşar hadisə baş verib. Azərbaycanın Lerik rayonunda 60 yaşlı müəllim 15 yaşlı şagirdinə qarşı seksual hərəkətlər edib, qızı hamilə qoyub. Lakin hadisələr bir qədər oxşar olsalar da müəllimlərin aldığı cəzaları olduqca fərqlidir. Rusiyada müəllim 9,5 il, bizdə isə yalnız 1 il cəza aldı...
Saglamolun.Az
