Bakıda 11 yaşlı uşağın qaraciyərindən uşaq üçün nəhəng hesab edilən exinokokk kistası çıxarılıb.
Bu barədə Modern.az-a Uşaq cərrahiyyəsi və urologiya uzmanı Op.Dr. Fuad Hüseynov məlumat verib.
Həkim bildirib ki, uşağın qaraciyərində qurd kistasının əmələ gəlmə səbəbi ev heyvanları ilə təmasda olmaqdır:
“Qarnında ağrılar, halsızlıq ,ürəkbulanma şikayətləri olan 11 yaşlı oğlana aparılan müayinələr nəticəsində məlum oldu ki, qaraciyərində təqribən 11-12 sm ölçüdə exinokokk kistası mövcuddur. Dərman müalicəsindən sonra cərrahi əməliyyat planlaşdırıldı.
Qaraciyərin 7-8 segmentində diafraqmaya yapışıq yerləşən, uşaq üçün nəhəng hesab edilən "kista" texniki cərrahi çətinliklərlə ləğv edildi”.
F.Hüseynov bildirib ki, uşaq uğurlu əməliyyat sonrası tam sağlam şəkildə 3 gün sonra dərman müalicəsinə davam etmək şərti ilə evə buraxılıb.
Saglamolun.Az
