Bu özəl xəstəxanalarda pulsuz müalicə oluna bilərsiniz - SİYAHI

İcbari tibbi sığortadan necə istifadə etmək olar?

Bütün ölkə vətəndaşları icbari tibbi sığorta ilə Xidmətlər Zərfinə daxil olan tibbi xidmətlərdən ödənişsiz istifadə edə bilərlər. Tibbi xidmətə ehtiyacınız yarandığı təqdirdə TƏBİB-in tabeliyindəki istənilən dövlət tibb müəssisəsinə şəxsiyyət vəsiqəniz ilə müraciət etməyiniz kifayətdir.

Tibb müəssisəsində ixtisaslı həkimlər tərəfindən lazım olan tibbi xidmət göstərilir. Tibbi zərurət olduqda təminata alınan bütün laborator, diaqnostik müayinələr, fizioterapiya, ambulator və stasionar (xəstəxanada yatış) tibbi xidmət ödənişsiz həyata keçirilir.

Özəl tibb müəssisələrində icbari tibbi sığortadan istifadə

Dövlət tibb müəssisəsində lazım olan tibbi xidməti göstərmək mümkün olmadıqda Sizə İcbari Tibbi Sığorta üzrə Dövlət Agentliyinin müqavilə bağladığı özəl tibb müəssisəsinə göndəriş verilir.

Göndəriş vərəqəsi əsasında özəl tibb müəssisəsində Siz Xidmətlər Zərfi çərçivəsində tibbi xidmətlərdən ödənişsiz yararlana bilərsiniz. TƏBİB-in tabeliyində olan dövlət tibb müəssisəsi tərəfindən göndəriş vərəqəsi almadan birbaşa özəl tibb müəssisəsinə müraciət etsəniz, tibbi xidmətin dəyərini tam həcmdə öz vəsaitiniz hesabına ödəməlisiniz.

Agentliyin müqavilə bağladığı tibb müəssisələrinin siyahısı:

1. Bakı Sağlamlıq Mərkəzi
2. Bakı Göz Klinikası
3. Caspian International Hospital
4. Assmed Klinikası
5. Respublika Diaqnostika Mərkəzi
6. Mərkəzi Klinika
7. DİN Tibb İdarəsinin A.Heydərov adına Respublika Hospitalı
8. Modern Hospital
9. Azərbaycan Tibb Universiteti Tədris Cərrahiyyə Klinikası
10. Medera Hospital
11. Azərbaycan Tibb Universitetinin Tədris Terapevtik Klinikası
12. Dövlət Təhlükəsizliyi Xidmətinin Hərbi-tibb baş idarəsi
13. Zəfəran Hospital
14. EGE Hospital
15. Avrasiya Hospital
16. Xüsusi Müalicə Sağlamlıq Kompleksi
17. Leyla Medical Center
18. Lor Hospital
19. OKİ Hospital
20. Oksigen Klinik Xəstəxanası
21. Diaqnoz Tibb Mərkəzi
22. Baku City Hospital
23. Mediland Hospital
24. Stimul Hospital
25. İstanbul NS klinikası
26. Turan Hospital
27. Referans Klinik Laboratoriya Mərkəzi & Poliklinik (Mərkəzi filial)
28. Dünyagöz
29. Olimp Hospital
30. Bona Dea Beynəlxalq Hospital
31. İstanbul Hospital
32. Xəzər Klinikası
33. Mərkəzi Gömrük Hospitalı
34. N.Tusi adına Klinika
35. Sədəf Müalicə-Diaqnostika Mərkəzi
36. Medipoint Klinikası
37. Türk-Amerikan Medical Center
38. Lanset Cərrahlıq Klinikası
39. Diamond Medical Park
40. Buta Clinic

 Sevinc Hüseynova