3 Tesla MRT SAF Hospitalda - Nə zaman həyat əhəmiyyətlidir? (VİDEO)

Həkim: "Beyindəki 2–3 millimetrlik dəyişiklik belə diaqnoz üçün həlledici ola bilər."

Müasir radiologiyada diaqnostikanın dəqiqliyini müəyyən edən əsas amillərdən biri görüntünün keyfiyyəti və detallılığıdır. Xüsusilə beyin müayinələrində bəzən cəmi bir neçə millimetr ölçüsündə olan struktur dəyişiklikləri xəstənin şikayətlərinin səbəbini müəyyənləşdirmək baxımından mühüm əhəmiyyət daşıyır. Belə hallarda 3 Tesla MRT texnologiyası əlavə diaqnostik imkanlar yaradır.

Uzman radioloq Pərviz Səmədovun sözlərinə görə, hazırda SAF Hospitalda 3 Tesla MRT texnologiyası ilə yüksək detallı görüntüləmə imkanları mövcuddur. Həkim bildirir ki, yüksək maqnit sahəsinə malik 3 Tesla MRT xüsusilə kiçik anatomik strukturların və incə patoloji dəyişikliklərin qiymətləndirilməsində üstünlüklərə malikdir.

Beyində 2–3 millimetr ölçüsündə olan dəyişiklik belə bəzən xəstənin şikayətlərinin əsas səbəbi ola bilər. Bu ölçüdəki dəyişikliklərin aşkarlanması üçün görüntünün detallılığı xüsusi əhəmiyyət daşıyır.

3 Tesla MRT daha yüksək siqnal keyfiyyəti hesabına kiçik strukturların daha dəqiq görüntülənməsinə imkan verir”, – deyə, Pərviz Səmədov bildirir.

3 TESLA MRT-NİN ÜSTÜNLÜKLƏRİ NƏDİR?

3 Tesla MRT-nin əsas fərqi onun 1.5 Tesla cihazlarla müqayisədə ikiqat güclü maqnit sahəsinə malik olmasıdır. Bu xüsusiyyət daha yüksək siqnal-küy nisbəti (SNR) yaradır. Nəticədə müayinə protokolundan asılı olaraq daha yüksək detallılığa malik görüntülər əldə etmək və ya bəzi müayinələri daha qısa müddətdə aparmaq mümkün olur.

Bu texnologiyanın əsas üstünlükləri:

- Daha yüksək görüntü detallılığı: Beynin kiçik anatomik strukturlarını, incə toxuma dəyişikliklərini və bəzi kiçik patoloji ocaqları daha aydın qiymətləndirməyə imkan verir.
- Damar patologiyalarının araşdırılması: Müvafiq angioqrafik protokollarla kiçik damarların və bəzi damar anomaliyalarının görüntülənməsində əlavə imkanlar yaradır.
- Sinir strukturlarının qiymətləndirilməsi: Beyin sinirləri və digər incə anatomik strukturların daha detallı müayinəsinə şərait yaradır.
- Yüksək rezolyusiyalı görüntüləmə: Daha kiçik ölçülü dəyişikliklərin araşdırılması üçün yüksək məkan ayırdetmə qabiliyyətindən istifadə etməyə imkan verir.

1.5 TESLA, YOXSA 3 TESLA?

1.5 Tesla MRT bir çox nevroloji və digər radioloji müayinələr üçün kifayət qədər keyfiyyətli görüntülər təqdim edir. Lakin bəzi mürəkkəb klinik hallarda daha yüksək detallılığa ehtiyac yaranır. Belə vəziyyətlərdə 3 Tesla MRT diaqnostik qiymətləndirməni genişləndirə bilər.

Bununla belə, 3 Tesla hər müayinə üçün mütləq daha yaxşı seçim demək deyil. Yüksək maqnit sahəsi bəzi hallarda görüntü artefaktlarını da artıra bilər. Cihaz seçimi müayinənin məqsədi, ehtimal olunan patologiya və pasiyentin klinik vəziyyəti nəzərə alınmaqla müəyyənləşdirilməlidir.




 

Saglamolun.Az