BOĞAZ, AĞIZ VƏ DİŞ XƏSTƏLİKLƏRİNƏ QARŞI İŞLƏDİLƏN XALQ TƏBABƏTİ DƏRMAN MADDƏLƏRİ
- Angina zamanı təzə soyulmuş soğan iyləmək lazımdır.
- Dezinfeksiyaedici, iltihabı aradan qaldırıcı dərman kimi angina və boğaz ağrısı zamanı çobanyastığı dəmləməsi ilə boğazı qarqara etmək yaxşı təsir edir.
- Boğaz və diş ağrıları zamanı qurudulmuş qaraqınıq otunun dəmləməsi yaxşı təsir göstərən dərman vasitələrindəndir. Hazırlanma qaydası:
- Bitki çiçək açan dövrdə onun yerüstü hissəsini toplayıb qurudur, toz halına salırlar. Bu tozdan 2 çay qaşığı götürüb yarım litr suda 30 daqiqa müddətində dəmləyib süzməli. Dozası: Gündə 3 dəfə yeməkdən yarım saat əvvəl qəbul etməli.
- Boğaz ağrılarında, anginada, diş dibinin iltihabında büzüşdürücü və dezinfeksiyaedici dərman kimi adaçayı bitkisinin yarpaqlarından dəmləmə şəklində qarqara etmək üçün istifadə oluna bilər.
- Angina zamanı limon işlətmək faydalıdır.
- Angina zamanı qarqara etmək məqsədilə palıd qabığı bişirməsi (1:10 nisbətində) əlverişlidir. Bu baxımdan dazıotu dəmləməsi da faydalıdır.
- Palıd qabığının dəmləməsini zəylə birlikdə büzüşdürücü qarqara dermanı kimi ağız boşluğu xəstəliklərində və boğaz ağrılarında işlətmək olar.
- Xərçəngboynu otunun kökümsov gövdəsindən bişirmə və tinktura həmçinin duru spirtli ekstrat şəklində ağız nahiyəsi, boğaz və diş xəstəliklərində iltihaba qarşı bakterisid dərman kimi qarqara şəklində istifadə etmək olar.
- Boğaz ağrılarında və stomatitlərdə gülümbahar çiçəklərini çay kimi dəmləyib qarqara etmək faydalıdır.
- Ağız boşluğunun zədələnməsi zamanı çaytikanı yağı yaxşı təsir edir.
- Boğaz və diş ağrıları zamanı kəklikotundan alınmış zəif konsentrasiyalı spirtli məhlulla qarqara etmek olar.
- Tərxun boğaz ağrısını kəsir.
- Bal şərbəti ilə qarqara etdikdə boğaz ağrısı sakitləşir, badamcıqların irini təmizlənir. Bal yedikdə isə ağız və damaq yarası sağalır.
- Sirkə ilə qarqara etmək boğaz, qırtlaq və diş ağrısı üçün xeyirlidir.
- Qırtlağın iltihabı zamanı balın süd və ya razyana ilə qatışığı təsirli vasitə hesab edilir.
- Təzə göy noxudun suyu ilə ağızı qarqara edəndə damaq şişi və diş ağrısını aradan qaldırır.
- Boğaz ağrısı zamanı qoz şirəsi ilə qarqara etmək faydalı təsir edir. Qaydası: Taza qozun qabığını suyun üçdə biri qalanadək qaynadır və həmin miqdarda bal qanıb yenə üçdə biri qalanadək odda qatılaşdırırlar.
- Arpa ununun keşniş suyu ilə təpitməsi boğaz şişi üçün münasib hesab edilən dərmanlardandır.
- Tut şirəsi boğaz ağrısı üçün faydalıdır.
- Darçın, səsi bəlğəmlərdən təmizləyir, nəfəs borusunda olan yapışqanlı rütubəti aparır, ağızdan gələn pis qoxunu ləğv edir.
Sevinc Hüseynova
Saglamolun.Az
