YENİ ELMİ ARAŞDIRMA
Yeni elmi araşdırma hormonal kontraseptivlərin stres yaşayan qadınlarda ürək-damar xəstəlikləri riskinə fərqli təsir göstərə bildiyini ortaya qoyub. “JAMA Network Open” jurnalında dərc olunan tədqiqatın aparıcı müəllifi, Massaçusets Ümumi Xəstəxanasının Brigham bölməsindən Antonia Seliqovskinin sözlərinə görə, bu sahədə gender və psixi sağlamlıq amilləri uzun müddət diqqətdən kənarda qalıb.
Araşdırmada 31 824 qadının tibbi məlumatları təhlil edilib. Tədqiqatçılar hormonal kontraseptiv istifadəsi ilə ürək-damar xəstəlikləri və dərin ven trombozu riski arasındakı əlaqəni, həmçinin qadınlarda depressiya, təşviş pozuntusu və posttravmatik stres pozuntusu (PTSP) tarixçəsinin rolunu araşdırıb.
Nəticələr göstərib ki, hormonal kontraseptivlər əksər qadınlarda, o cümlədən depressiya və təşviş pozuntusu olanlarda ciddi ürək-damar xəstəlikləri riskinin azalması ilə əlaqəlidir. Alimlər bildirib ki, nəticələr ilkin xarakter daşıyır və bu mövzuda daha geniş klinik araşdırmalar aparmağı planlaşdırır.
Saglamolun.Az
