NADİR TİBBİ HADİSƏ
Yaponiyada nadir tibbi hadisə qeydə alınıb. 25 yaşlı kişi mobil telefondan uzun müddət düzgün olmayan vəziyyətdə istifadə etdiyinə görə “əyilmiş baş sindromu”na tutulub. Bu sindrom zamanı şəxs başını öz gücü ilə düz tuta bilmir və ona başını saxlamaq üçün yardım lazım olur.
Həkimlərin sözlərinə görə, pasiyent hər gün saatlarla başını qabağa və aşağı əyərək telefonda oyun oynayıb. Zaman keçdikcə onun boyun əzələləri ciddi şəkildə zəifləyib və o, artıq başını dik tuta bilməyib. Həmçinin, kişinin boynunun arxa hissəsində böyük şiş yaranıb, bu da ağrı və udma çətinliyi ilə nəticələnib. Bu problemlər ona kəskin çəki itirməyə də səbəb olub.
Əvvəlcə mütəxəssislər pasiyenti boyun korseti ilə müalicə etməyə çalışıb, lakin bu, boyun nahiyəsində keyimə hissinə səbəb olub. Nəticədə həkimlər cərrahi müdaxiləyə qərar verib. Aparılan əməliyyat zamanı deformasiya olunmuş fəqərələr və çapıq toxumaları çıxarılıb, daha sonra isə pasiyentin düzgün duruşunu bərpa etmək üçün metal vintlər və çubuqlar yerləşdirilib.
Saglamolun.Az
