Siyasi liderlərin sevdiyi içki – NANƏ ÇAYI

Siyasətçilər üçün ən vacib şərtlərdən biri soyuqqanlı olmaq, qərarlar verərkən təmkin nümayiş etdirmək, bir sözlə, səbirli və əsəbsiz şəraitdə fəaliyyət göstərməkdir.

Təbii ki, dünyanın qarışıq bir durumunda bunun mümkünlüyü o qədər də asan deyil, amma heç mümükünsüz də deyil. Məhz elə buna görə də bir çox siyasətçilər öz qida rasionlarında nanə çayına üstünlük verirlər.

Modern.az sizə nanə çayının faydalarını təqdim edir.

Nanə xoş ətri və qoxusu ilə yanaşı, sağlamlıq üçün olduqca faydalı bitkilərdən biridir. Hələ qədim zamanlardan nanədən təbabətdə geniş istifadə olunub. Nanənin tərkibi orqanizm üçün vacib olan A, C, B qrup vitaminlərlə və mikroelementlərlə zəngindir.

Bu bitkinin faydalı xüsusiyyətlərindən ən başlıcası sinir sisteminə müsbət təsiri, əsəbləri sakitləşdirməsi, stressi və gərginliyi aradan qaldırmasıdır. Nanə ürək damar sistemi üçün də xeyirlidir və infarkt riskini azaldır.

Mədə problemləri olan insanlar üçün nanə ən effektli vasitələrdən biri sayıla bilər. Köp, mədə bulanması, mədənin yanması zamanı bu bitkidən istifadə etmək məsləhət görülür.

Həmçinin o, həzm sistemini normallaşdırır, həzmi asanlaşdırır.

Dərinin sağlam və gümrah görünməsində nanə bitkisindən dəmlənən çay kosmetik vasitə kimi istifadə olunur.

İştəhasından şikayətlənənlər üçün bu bitki təbii dərmandır.

Ağızdan xoşagəlməz qoxunu aradan qaldırmaq üçün nanədən istifadə etmək kifayətdir. Xalq təbabətində nanə bitkisindən aşağıdakı xəstəliklərin müalicəsində istifadə olunur:

- Astma;

- Hepatit;

- Xolesistit;

- Qastrit;

- Yuxarı tənəffüs yollarının xəstəlikləri;

- Kişi sonsuzluğu;

- İmpotensiya;

- Ekzema;

- Dəri iltihabı;

- Öd kisəsi xəstəliyi;

- Soyuqdəymə və qrip.

Nanə birkisi qurudulmuş və təzə formada istifadə olunur.

Dünyanın bir çox ölkələrində nanə çayı ən çox istifadə olunan içkilərdən biridir. Səhərlər bir fincan nanə çayı içmək gün ərzində insanın əhvalına müsbət təsir göstərməklə yanaşı, əsəblərin sakit olmasını da təmin edir. Nanə çayı soyuqdəymə zamanı qızdırmanı aşağı salır və nəfəsalmanı rahatlaşdırır. İsti havalarda nanə çayı ən yaxşı sərinləşdirici içkilərdən biridir.

Nənə çayı qadınlar üçün daha faydalıdır. Menstruasiya zamanı ağrıların qarşısının alınmasında nanə çayından istifadə etmək yetərlidir. Yuxusuzluq zamanı yatmazdan qabaq nanəli çay içmək problemi təbii yolla aradan qaldırır. Nanə çayına limon əlavə etmək onun müalicəvi əhəmiyyətini və faydasını daha da artırır.

Üç yaşa qədər uşaqlara nanədən istifadə məsləhət görülmür. Yuxu gətirdiyinə görə sükan arxasına əyləşib uzaq yola hazırlaşanlar nanədən istifadə etməməlidirlər. O cümlədən qan təzyiqi aşağı olanlar da nanədən məhdudiyyətlə istifadə etməlidirlər.


loading...

Sizdə baş ağrısı, ürəkbulanması, qusma varsa... Beyin şişlərinin səbəbləri, simptomları və müalicəsi

HƏKİMLƏR

Rauf Rzayev

Rauf Rzayev

Andrologiya

Uroloq-androloq İş stajı - 22 il

Ətraflı...
Aynur Səfiyeva

Aynur Səfiyeva

Proktologiya

Ümumi cərrah, kolorektal cərrahiyyə üzrə mütəxəssis Avropa Koloproktoloji Assosiasiyasının ilk milli...

Ətraflı...
Şəhla İbrahimova

Şəhla İbrahimova

Oftalmologiya

Oftalmoloq - cərrah İş stajı - 10 il

Ətraflı...

 


Яндекс.Метрика