Gecələr yemək yeyənlər OXUSUN - Həkim XƏBƏRDARLIQ etdi

Uzun və sağlam yaşamaq üçün insanlar yediklərinə fikir verməlidir.

Yaşamaq üçün yemək lazımdır, ancaq görəsən düzgün yeyirikmi? Dövrün qlobal probleminə çevrilmiş piylənmə və mədə-bağırsaq problemləri düzgün qidalanmamaq səbəbindən yaranır. Xüsusilə gecə saatlarında yeməyi vərdiş halına gətirənlər var.

Gecə yemək yemə vərdişi ilk olaraq 1955-ci ildə amerikalı psixiatr tərəfindən “həddən artıq yemə problemi” kateqoriyasında təqdim olunub. Bu məsələ ilə bağlı aparılan araşdırmalardan məlum olub ki, İngiltərədə 100 nəfərdən 2-si gecə yemək yemə sindromuna tutulub.

Məşhur həkim dietoloq-nutrioloq Leyla Zülfüqarlı Metbuat.az-a gecə yeməyin ziyanlarından danışıb. O qeyd edib ki, gecə saatlarından etibarən metobolizma aparatımızın sürəti ləngidiyi üçün yeyilən qidaların həzmi çətinləşir. Nəticə etibarı ilə həmin qidalardan qlikogen ehtiyatı toplanır, bu ehtiyat da gələcəkdə yağ depolarına çevrilə bilər:

“Gecə yeyilən yeməklər həmçinin, öd kisəsində durğunluq, öd kisəsi problemləri, qastritin bir çox formalarına, bağırsaq xəstəliklərinə səbəb ola bilir”.

Adətən axşamlar yeyib yatmağa üstünlük veririk, ancaq həkim deyir ki, bu insan orqanizmi üçün çox zərərəlidir. Əhali arasında sıx rast gəlinən reflüks xəstəliyinin yaranma səbəbi də məhz yeyən kimi uzanmaqdır. Hətta, qida borusunun yırtıqları, diafraqmal yırtıqlar və s. kimi qastroentroloji problemlər də bu səbəbdən yaranır.

“Axşam 18:00, 19:00-dan sonra yemək olmaz”- məsələsinə də toxununan dietoloq Leyla Zülfüqarlı bunun mif olduğunu deyib:

“İnsanlar yatmazdan 3 saat əvvəl yeməklərini yeyib bitirməlidir. Nəzərə alsaq ki, əhali işləyir və evə gec saatlarda çatırlar. Məsələn, əgər siz 00:00-da yatırsınızsa, 21:00-a qədər yeməyinizi yeyib bitirə bilərsiniz. Xüsusilə, qlisemik indeksi aşağı olan qidalara üstünlük verməyiniz məsləhətdir".

Saglamolun.Az




loading...

TƏZYİQİ DƏRMANSIZ SALMAQ ÜÇÜN ƏN ASAN ÜSUL

HƏKİMLƏR

Həcər Hüseynova

Həcər Hüseynova

Ginekologiya

Mama-ginekoloq Əmək stajı - 11 il

Ətraflı...
Günay Abdullayeva

Günay Abdullayeva

Ginekologiya

Mama-ginekoloq İş stajı - 10 il

Ətraflı...
Ağayeva Aytən Rauf qızı

Ağayeva Aytən…

Endokrinologiya

Cərrah-endokrinoloq Əmək stajı - 23 il

Ətraflı...

 


Яндекс.Метрика