Загрузка...

Başlayan doğuşların əlamətləri

Doğuşa 24-48 saat qalmış qadınlarda qan qarışığı ilə selikli ifrazat meydana çıxa bilər ki, bu da uşaqlıq boynu kanalının tıxacının xaric olması kimi qiymətləndirilə bilər.

İlk sancılar adətən qarında, bəzi hallarda isə beldə hiss olunur. Belə təsəvvür yaranır ki, ağrı dalğası belin orta hissəsində yarandıqdan sonra dalğa diyirlənərək hər 2 ombaya yayılır, sonda qarında birləşir.

Əvvəlcə sancılar o qədər də güclü olmur (zəif çimdikləmə kimi). Sonradan sancılar güclənərək daha uzun müddətli (6-10 saniyə) olur, getdikcə intensivləşərək müntəzəm xarakter alır, yəni hər dəfə eyni bir vaxtdan sonra təkrarlanır. Doğuşun lap əvvəlində sancılar hər 20-25 dəqiqədən bir təkrar olunur. Əgər siz ilk körpənizi gözləyirsinizsə, doğum evinə sancılar hər 5-7 dəqiqədən bir təkrar olunanda getmək lazımdır. Təkrar doğan qadınlar isə doğum evinə sancıların müntəzəm xarakter aldığı ilk vaxtından getməlidirlər. Təkrar doğan qadınlarda doğuş prosesi ilk dəfə doğan qadınlara nisbətən daha sürətli gedir.

Əgər dölyanı sular xaric olmuşsa (normal dölyanı sular sidiyə oxşayaraq iysiz, şəffaf və sarımtıl rəngdə olur), doğuşun digər əlamətlərini gözləmədən, təxirəsalınmadan doğum evinə getmək lazımdır. Dölyanı suların vaxtsız açılması əksər hallarda doğuşun normal gedişinin pozulmasına və sonradan döl üçün mənfi fəsadların yaranmasına səbəb olur.

Xaric olan dölyanı suların rənginə (açıq, şəffaf, yaşıl, bulanıq) və miqdarına fikir verməyiniz də vacibdir. Bu dövrdə doğum evinə mütləq nəqliyyatla (heç bir halda piyada olmamaqla) getmək lazımdır. Dölyanı suların axmasının qarşısını almaq üçün gigiyenik paketlərdən (menstruasiya zamanı işlədilən) istifadə etmək yaxşı olar.

Hamiləlik müddətindən asılı olmayaraq qadınlarda uşaqlıq yolundan qanlı ifrazat başlamış olarsa, ağrının olub-olmamasına baxmayaraq onları təcili surətdə doğum evinə aparmaq lazımdır.

Doğuşdan əvvəl doğmaq istədiyiniz doğum evini və həkimi də müəyyən etməyiniz məsləhət görülür. Bu zaman qadın məsləhətxanasındakı müalicə həkiminizin, qohum və tanışlarınızın məsləhətlərindən istifadə etməklə bir neçə doğum evinə baş çəkərək, sizə məqbul olanını seçməyiniz yaxşı olar. Əgər müalicə həkiminiz sizdə olan bəzi xəstəliklərə və dölün vəziyyətinə görə doğuşun Keysər kəsiyi əməliyyatı ilə aparılmasını məsləhət görərsə, bu zaman nəinki doğum evini, həmçinin bu əməliyyatı aparacaq həkimin özü ilə görüşərək əməliyyatın aparılacağı tarixi də müəyyən etmək lazımdır. Bu sizə bir çox patoloji halların qarşısını vaxtında almağa imkan vermiş olar.


Saglamolun.Az

.....

.
.

Şərhlər  

#1 Chinara 13.07.2012 18:46
salam saglamolun ailesi cox sag olun ki bu cur sayt yaratmisiniz minnetdariq sizlere.Allah komeyiniz olsun
#2 Qarayeva 19.11.2012 14:48
size cox cox tewekkur edirem bizi melumatlandirdi giniz uchun
#3 Kamale 28.06.2013 00:09
Bu melumatlar ucun size sonsuz minnetdaram...M en 37 hefte 3gunluk hamileyem,ikinc i ovladimi gozleyirem...Co oox wey oyrendim :-),tewekkurler .
#4 UmmuIbrahim 23.06.2014 18:49
Normalda doguw nechenci hefede bawlayir? Menim il uwagim 36ci heftesinde dunyaa gelmiwdi. Men uwagin yetiwgenliyi hamieli muddetimden qabaga idi.yeni uwag heftesine gore tez inkiwaf edirdi.indi ikinci hamileliyidimdi .men ozum 34 heftedir hamileyem uwag ise 36 heftelik gosterir usm-de. Bu uwag da 1ci kmi 36 ci heftede dogula biler? Artiq bu gunden yalanci sancilar ozunu gostermeye bawlayib.eynen 1ci uwagdaki kimi gedir her wey. Onceden tewekkur. Allah razi olsun
#5 Administrator 24.06.2014 12:24
1. Mama-ginekoloql ar hamiləliyin müddətini axırıncı menstruasiyanın birinci günündən hesablayırlar.
3. Hamiləliyin 36-ci həftəsindən 41-ci həftəsinə kimi doğulmuş uşaq vaxtında doğulmuş uşaq sayılır.
Allah köməyiniz olsun!

HƏKİMLƏR

Cavid Musazadə

Cavid Musazadə

Travmatologiya

Travmatoloq-ortoped (cərrah) Əmək stajı - 8 il

Ətraflı...
Aytəkin Quliyeva

Aytəkin Quliyeva

Trixologiya

Trixoloq (saç üzrə mütəxəssis) İş stajı - 9 il

Ətraflı...
Günay Hacıyeva

Günay Hacıyeva

Ginekologiya

Mama-Ginekoloq Əmək stajı - 15 il

Ətraflı...

SON YAZILAR

Яндекс.Метрика