Anafilaktik şokun profilaktikası

Anafilaktik şokun əsas “günahkarları” – dərmanlardır.

Buna görə də hər bir həkim xəstəyə bu və ya digər müalicə yazmamışdan qabaq, xəstədən həmin preparatı və ya onun analoqlarını qəbul edib-etmədiyini, müalicəni necə keçirdiyini, bu dərmanlara reaksiyanın olub-olmadığını (əgər olubsa, hansı formada olduğunu) soruşmalıdır.

Əgər Sizdə və ya Sizin uşağınızda nə vaxtsa anafilaktik şok baş vermişsə, mütləq ona səbəb olan allergenin (dərman, qida və s.) adını yazıb özünüzdə saxlayın!

Əgər əvvəllər belə reaksiya olmayıbsa, lakin Sizdə və ya Sizin uşağınızda allergiyaya meyllik olarsa, bu barədə də mütləq həkimə məlumat verin!

Əgər Sizə və ya Sizin uşağınıza dərman inyeksiyaları təyin edilmişsə, onun icrası üçün tibbi mərkəzinə, poliklinika və ya xəstəxanaya müraciət etmək daha yaxşı olar. Bu halda hətta anafilaktik şok inkişaf edərsə, tibb müəssisəsində sizə tez bir zamanda təcili yardım göstərə bilərlər.

Əgər Sizə və ya Sizin uşağınıza hər hansı bir antibiotik təyin olunubsa, mütləq dəridaxili sınaq etmək lazımdır! Əgər dəridaxili sınaqdan 30 dəqiqə sonra inyeksiya yerində qızartı, bərkimə, yerli temperaturun yüksəlməsi qeyd edilməzsə, antibiotiki vurmaq olar. Belə bir halı da nəzərdən qaçırmaq lazım deyil ki, antibiotikin vurulması üçün dəridaxili sınağın özü də nadir hallarda anafilaktik şok verə bilər!

Əgər südəmər uşağa hər hansı bir dərman ilk dəfə yazılarsa, ananın hamiləlik vaxtı və ya döşlə əmizdirdiyi vaxt həmin preparatı alıb-almamasını aydınlaşdırmaq lazımdır. Əgər ana həmin preparatı qəbul edirdisə, uşaqda bu preparata qarşı allergik reaksiya ola bilər.

Allergik reaksiyalara meylli olan şəxslər xüsusilə ehtiyatlı olmalıdırlar. Sizdə nəyə qarşı allergiya olmasından asılı olmayaraq (məişət tozu, bitki tozcuqları, hər hansı bir qida və ya hər hansı bir digər maddə), istənilən digər allergen də (dərman, həşərat sancması və s.) allergik reaksiya verə bilər.

Saglamolun.Az




loading...

TƏZYİQİ DƏRMANSIZ SALMAQ ÜÇÜN ƏN ASAN ÜSUL

HƏKİMLƏR

Şəhla İbrahimova

Şəhla İbrahimova

Oftalmologiya

Oftalmoloq - cərrah İş stajı - 10 il

Ətraflı...
Əminə Allahverdiyeva

Əminə Allahverdiyeva

Ginekologiya

Cərrah-ginekoloq-seksopatoloq İş stajı - 13 il

Ətraflı...
Həmidə Səlimzadə

Həmidə Səlimzadə

Allerqologiya

Həkim-allerqoloq İş stajı - 8 il

Ətraflı...

 


Яндекс.Метрика