Загрузка...

Uşaqlarda sistit xəstəliyi

Sistit - sidik kisəsinin iltihab prosesidir. Bu, uşaqlar arasında kifayət qədər geniş yayılmış xəstəlik olsa da, təəssüflər olsun ki, əksər hallarda “adi zökəm kimi” valideynlər tərəfindən vaxtında diqqət yetirilməyən hallardan biridir.

Buna isə qəti şəkildə yol vermək olmaz!

Çünki vaxtında müalicə olunmamış sistit həm xroniki sistitə, həm də ağırlaşaraq böyrəklərin iltihab prosesinə - pielonefritə (əvvəlcə kəskin, daha sonra isə xroniki) keçə bilər.

Əksər hallarda sistit uretritdən (sidik kanalının iltihabı) başlayaraq inkişaf edir. Anatomik quruluşla bağlı olaraq sistit qızlarda oğlanlara nisbətən daha çox rast gəlinir. Buna səbəb isə qızlarda sidik kanalının uzunluğunun oglanlara nisbətən xeyli qısa olmasıdır. Ona görə də qızlarda sidik kanalında başlayan hər hansı bir iltihab prosesi daha tez bir zamanda sidik kisəsinə yayıla bilir. Qız uşaqları olan valideynlər bunu yaddan çıxarmamalıdırlar!

Sistit zamanı uşaqda tez-tez sidiyəgetmə çağırışı, sidik ifrazı zamanı kəskin ağrı, göynəmə hissiyyatı, həmçinin qarnın aşağı hissəsində agrı, bulanıq rəngli, kəskin, xoşagəlməz iyli sidik ifrazı əlamətləri də olur.

Sistitin inkişaf etməsi bir neçə səbəbdən ola bilər. Onlardan biri, sadə gigiyena normalarına riayət olunmamasıdır. Uşaqların sidik cinsiyyət üzvlərini hər səhər - yuxudan qalxarkən və axşam - yatmamışdan qabaq, eləcə də hər defekasiya (nəcis ifraz edilməsi) aktından sonra (anus ətrafını) yumaq lazımdır.

Hər yuyunmada sabundan (yalnız çimizdirərkən vacibdir) istifadə etmək vacib deyil. Tez-tez sabunla yuyulma qız uşaqlarında uşaqlıq yolunun normal mikroflorasının tələf olmasına, xəstəlik törədici mikrobların isə tez bir zamanda inkişaf etməsinə səbəb olur. Xəstəlik törədici mikroblar isə usaqlıq yolundan ona çox yaxın olan sidik kanalının xarici dəliyi vasitəsilə asanlıqla sidik kisəsinə keçir.

Sistitin inkişaf etməsinin digər səbəbləri - göbələk xəstəlikləri, bağırsaq disbakteriozu və s. də ola bilər.

Çöx zaman valideynlər səhv olaraq sistitin əsasən soyuqdəymə səbəbindən baş verdiyini düşünürlər. Lakin bu heç də belə deyildir. Sistitin inkişafında soyuqdəymənin rolu yalnız orqanizmin immunitetini zəiflədərək zərərli mikrobların inkişafı üçün “yaxşı” şərait yaratmasından ibarət ola bilər.

Uşaqda sistitin ilk əlamətləri aşkar edilən kimi, onu həkimə göstərmək lazımdır. Xəstəliyin müalicəsi əsasən antibiotiklərlə aparılır. Müalicə prosesində qızdırıcı vasitələrdən istifadə edilməsi də (uşağın qarnını yun şala bürümək, budlarının arasına isti su doldurulmuş plastik qab qoymaq, qarın nahiyəsinə tavada qızdırılaraq əsgi torbaya yığılmış duz qoymaq və s.) uşağın vəziyyətini yüngülləşdirir.

Sidik kisəsinin yuyulması məqsədilə uşağa çöxlu miqdarda ilıq maye içizdirmək də məsləhət görülür. Bu zaman həmçinin müəyyən pəhrizə əməl edilməsi də vacib hesab edilir. Bu məqsədlə duza qoyulmuş müxtəlif tərəvəzlər (pomidor, xiyar, bibər, istiot və s.), hisə verilmiş qida məhsulları, eləcə də ketçup, mayonez kimi souslar və s. qida rasionundan çıxarılmalıdır.


Saglamolun.Az

.
Загрузка...
.

Şərhlər  

#8 Administrator 26.10.2015 04:20
Цитирую Ilqar:
Salam menim 18 yawim var . Mende de tez tez sidiye cixma olur . Amma sidiye cixma zamani goyneme olmur . 1 saatdan bir sidiye cixiram . Mene ne mualice meslehet gorerdiz ? Xaiw edirem cavablandirin .


Salam. İlk növbədə terapevtə müraciət edin. Bu simptomun səbəbləri müxtəlif ola bilər. Lazim olduqda müayinədən sonra terapevt Sizi digər həkimlərin müayinələrinə göndərə bilər.
#9 fidan 06.11.2015 15:51
salam.menim qizim 3 yawindadi.burda yazilan elametlerin hamisi qizimda var.artiq 1 heftedi agrilarida olur.eveller agrilari olmurdu ama sidiyinden pis qoxular artiq bir ildiki gelir.2 ay olar analiz vermiwdiy ve tam saglam cixdi.sistit ola bilermi ve ya analiz duz gostermiye bilermi.xaiw cvb yazin
#10 Administrator 07.11.2015 06:38
Цитирую fidan:
salam.menim qizim 3 yawindadi.burda yazilan elametlerin hamisi qizimda var.artiq 1 heftedi agrilarida olur.eveller agrilari olmurdu ama sidiyinden pis qoxular artiq bir ildiki gelir.2 ay olar analiz vermiwdiy ve tam saglam cixdi.sistit ola bilermi ve ya analiz duz gostermiye bilermi.xaiw cvb yazin


Təkrar analiz verin.

.

HƏKİMLƏR

Zülfiyyə Bağırova

Zülfiyyə Bağırova

Kosmetoloq

Kosmetoloq İş stajı - 4 il

Ətraflı...
Afət Çəndirli

Afət Çəndirli

Fizioterapevt

Fizioterapevt-Reabilitoloq İş stajı: 10 il

Ətraflı...
Araz Salmanov

Araz Salmanov

Plastik cərrahiyyə

Plastik, Rekonstruktiv və Estetik cərrah, uzman İş stajı - 17 il

Ətraflı...

SON YAZILAR

5 ən sadə pəhriz

22-07-2018 /317

Яндекс.Метрика