Bu pəhriz ac qalmadan 5-7 kq arıqlamağa yardım edir

Bu pəhrizin müəllifi amerikalı həkim kardioloq Robert Atkinsdir. Həkim əvvəl bu pəhrizi öz üzərində sınaqdan keçirib və 14 gün ərzndə 5-6 kq arıqlayıb.

Saglamolun.az bildirir ki, bu pəhrizin adı Atkins pəhrizi və ya zülali pəhrizdir. 

Bu pəhrizin əsas üstünlükləri arasında:

- çəki tez azalır,

- insan aclıqdan əziyyət çəkmir,

- pəhrizdən sonra itirilmiş çəki qayıtmır,

- piy kütləsi "əriyir", əzələ kütləsi yığılır.

Zülal pəhrizinin effektliyinin sirrini izah edək:

1. Bütün qəbul etdiyimiz qida əsasən yağlar, karbohidratlar və zülallardan ibarətdir. Artıq yağlar və karbohidratlar orqanizmdə piylərə çevrilir və yığılır, zülallar isə piylərə çevrilmir.

2. Zülalların mənimsənilməsinə orqanizm daha çox enerji sərf edir.

3. Zülalla zəngin olan qidalar daha tez toxluq hissi yaradır və insan özünü daha uzun müddət ərzində tox hiss edir.

4. Pəhriz zamanı insan əziyyət çəkmir, ac qalmır. Bu səbəbdən pəhriz qurtardıqdan sonra insan yeməyin "üstünə atılmır" və bu da əldə olunmuş nəticəni saxlamağa imkan verir.

Züllallarla zəngin olan qidaların bir çoxu həmçinin yağlarla da zəngindir - yağlı ət, balıq, pendir və s. Bu səbəbdən pəhriz zamanı yağlılığı az olan məhsullar seçilir.

Bu məhsullar arasında:

- diyetik ət növləri (toyuq əti, dana əti, dovşan əti)

- yağlılığı az olan süd

- yumurta ağı

- balıq (tunes, forel, qorbuşa, treska, xek və s.)

- yağlılığı az olan pendir, kəsmik, bio-yoqurt.

Bundan əlavə pəhriz zamanı tərəvəzləri (kələm, soğan, xiyar, pomidor, gül kələmi, bibər və s.), paxlalıları (lobya, noxud, mərci), gün ərzində 1-2 tikə diyetik çörək, 1-2 turş alma və ya portağal, kivi yemək olar. Qidaların porsiyaları 150-200 qr təşkil edir.

Qidanı gündə 5 dəfə qəbul etmək, gün ərzində 1,5-1,8 l təmiz su içmək lazımdır.

Zülali pəhrizini 1-2 həftə ərzində saxlamaq olar.

Diqqət! Nəzərə almaq lazımdır ki, zülal pəhrizi yalnız cavan, sağlam və hərəkətli insanlar üçün nəzərdə tutulub. Böyrək xəstəlikləri, bəzi mədə-bağırsaq xəstəlikləri zamanı bu pəhrizdən istifadə etmək olmaz.

Pəhrizlə yanaşı mütləq idman və ya bədən tərbiyəsi ilə məşğul olmaq lazımdır.

Saglamolun.Az

Youtube kanalımıza abunə olun ki, faydalı videolardan xəbəriniz olsun

loading...