ABŞ-ın Klivlend Klinikasının audioloqu Valeri Pavloviç Raff və Mayo Klinikasının audioloqu Ceymi Boql bildirirlər ki, eşitmə itkisi təkcə yüksək səsli konsertlərdən deyil, gündəlik vərdişlərdən də yarana bilər. Mütəxəssislərin sözlərinə görə, daxili qulaqdakı səs reseptorları zədələndikdə onlar bərpa olunmur və eşitmə itkisi geri dönməz olur.
Araşdırmada vurğulanır ki, uzun müddət yüksək səslə qulaqcıqdan istifadə etmək, səs-küylü alətlərlə işləmək, magistral yolda avtomobili açıq pəncərə ilə idarə etmək belə eşitməyə zərər verə bilər. Mütəxəssislər səs-küylü mühitdə keyfiyyətli qulaq tıxaclarından istifadə etməyi, qulaqcığın səsini təhlükəsiz səviyyədə saxlamağı və qulaqlarda küy, zəng səsi və ya eşitmədə zəifləmə hiss edilərsə vaxt itirmədən audioloqa müraciət etməyi tövsiyə edirlər.
Saglamolun.Az
