İnsult və infarkta qarşı ən effektli vasitə - SARIMSAQ

Rusiya və Çin alimləri birgə elmi araşdırma zamanı sarımsağın damarlara olan möcüzəvi təsirini aşkar ediblər.

Saglamolun.az medicgo.ru portalına istinadla bildirir ki, alimlərin fikrinə görə sarımsaq damarlarda xolesterinin yığılmasına mane olan ən güclü təbii vasitədir. Bununla sarımsaq ürəyin işemik xəstəliyi, infarkt və insultun əsas səbəbi olan aterosklerozun inkişafının qarşısını alır.

Alimlərin fikrinə görə, sarımsağın bu unikal xüsusiyyətləri orqanizmdə xolesterinin səviyyəsini aşağı salan yeni dərmanların hazırlanmasında istifadə olunmalıdır. Belə dərmanlar tam ziyansız olacaq, orqanizmə heç bir yanaşı təsir etməyəcək. Bu preparatların köməyi ilə infarkt və insultun riskini bir neçə dəfə azaltmaq mümkün olacaq.

Alimlər ürək-damar sistemi xəstəliklərinin profilaktikası məqsədi ilə sarımsağı müntəzəm olaraq istehlak etməyi tövsiyə edirlər. Qəbul etdikdən əvvəl sarımsağı əzmək və ya xırda doğramaq lazımdır ki, bu tərəvəzin faydasını qat-qat artırır. Sarımsağı acqarına yemək olmaz. Mütəxəssislər sarımsağı hazır yeməklərə və salatlara əlavə edib yeməyi tövsiyə edirlər.

Saglamolun.Az

Youtube kanalımıza abunə olun ki, faydalı videolardan xəbəriniz olsun

loading...