Sistitin simptomları və müalicəsi

Sidik kisəsinin funksiyası böyrəklər tərəfindən ifraz olunan sidiyi yığmaqdan ibarətdir.

Sidik kisəsinin iltihabı "sistit" adlandırılır və bu kimi simptomlarla özünü büruzə verir:

- tezləşmiş sidik ifrazı,

- sidik ifrazı zamanı ağrılar,

- qarının aşağı hissəsində ağırlıq hissi,

- sidikdə qanın olması,

- sidiyin bulanıq olması,

- uretrada (sidik kanalı) diskomfotr və yandırma hissi.

Sistit kişilərlə müqayisədə qadınlarda daha tez-tez hallarda inkişaf edir. Buna səbəb qadınlarda sidik kanalının daha qısa və enli olması və "natəmiz" yerdə (düz bağırsaq və uşaqlıq yolunun yanında) yerləşməsidir.

Sistitin səbəbi adətən hər hansı bakteriya, virus, göbələk olur. İnfeksiya sidik kisəsinə xaricdən (gigiyena qaydalarına əməl etmədikdə, cərrahiyyə əməliyyatı zamanı və s.) və ya daxildən qan və limfa axını ilə (orqanizmdə olan istənilən infeksiya ocağından - iltihablaşmış badamcıqlar, çürük diş və s.) düşə bilər.

Sistitin ilk əlamətləri meydana çıxdıqda dərhal uroloqa müraciət etmək lazımdır. Vaxtında və düzgün müalicə olunmayan kəskin sistit tez bir zamanda xroniki formaya keçir. Bu səbəbdən sistiti yalnız həkim-uroloq müalicə etməlidir. Özünüz-özünüzü "müalicə" etməyin. Müxtəlif xalq təbabəti üsulları yalnız köməkçi vasitə kimi istifadə oluna bilər.

Sistitin müalicəsində əksər hallarda antibakterial preparatlar ("antibiotik"lər) istifadə olunur. Bundan əlavə xəstəyə spazmolitik və ağrısızlaşdıran preparatlar, xüsusi antiseptik dərmanlar, vitamin kompleksləri təyin oluna bilər. Müalicə zamanı xəstə çoxlu maye qəbul etməli, müəyyən pəhriz saxlamalıdır (duzlu, istiotlu qidalar, spirtli içkilər qadağandır). Müalicə zamanı fizioterapevtik üsullardan da istifadə oluna bilər.

Müalicə mütləq sona qədər çatdırılmalıdır. Xəstəliyin simptomları yox olduqdan sonra xəstə özbaşına müalicədən imtina edərsə, xəstəlik xroniki formaya keçə bilər. Bundan əlavə sona qədər çatdırılmayan müalicənin digər təhlükəsi də var. Mikroblarda xəstə qəbul etdiyi antibakterial preparata qarşı rezistentlik (alışma) inkişaf edə bilər ki, nəticədə gələcəkdə bu preparat mikroblara təsir etməyəcək.

Sistitin risk faktorları:

- endokrin pozulmalar,

- travmalar;

- gigiyena qaydalarına əməl etməməsi;

- orqanizmdə olan xroniki infeksiya ocaqları;

- qəbizlik;

- avitaminoz;

- hipodinamiya (hərəkətsizlik);

- soyuqlama;

- alkoqolizm.

Sistitin profilaktikası üçün gigiyena qaydalarına ciddi əməl etmək, sintetik, dar alt paltarları geyinməmək, duzlu, istiotlu, yağlı, qızarmış qidaları minimuma çatdırmaq, özünü soyuqlamadan qorumaq, qəbizliklə mübarizə aparmaq, sidik ifrazı saxlamamaq (ehtiyac yarandıqda, dərhal tualetə getmək) lazımdır.

Mənbə: cistit.net


Saglamolun.Az

..........

Загрузка...
.

Şərhlər  

#1 nara90 28.02.2015 10:30
Salam.artiq nece ildi ki mende bezen sidiye gederken yandirma kimi hiss olur.hardasa 7 10 deq bu diskomfortluq davam edir.ama bezen,yeni ele olur 1ay olmur,ele de olur bir nece gun gunde 1 defe olur ve s.bu sistit sayilir?
#2 Administrator 01.03.2015 05:13
Цитирую nara90:
Salam.artiq nece ildi ki mende bezen sidiye gederken yandirma kimi hiss olur.hardasa 7 10 deq bu diskomfortluq davam edir.ama bezen,yeni ele olur 1ay olmur,ele de olur bir nece gun gunde 1 defe olur ve s.bu sistit sayilir?


Bu linkə keçib sualınızı uroloqa verin: http://saglamolun.az/index.php/urologiya/3812-ramiz-abdullayev.html


Загрузка...

Яндекс.Метрика