Загрузка...

Ana südü ilə qidalanan narahat körpənin sakitləşdirilməsi

Körpənin ağlamağı ilk növbədə onun ac olduğunu göstərir və onu sakitləşdirməyin ən birinci yolu təbii ki əmizdirməkdir.

Amma heç bir səbəb olmadan körpənin uzun müddət ağlamağı yeni valideynləri təngə gətirə bilər.

Biz sizə körpənizi sakitləşdirməyin bir neçə üsulunu təqdim edirik. Məsləhət görülür ki, bunlardan bir neçəsini sınaqdan keçirəsiniz, çünki bu və ya digər üsul bu gün işə yaraya bilər, sabah isə yox. Rahat olun və yadınızdan çıxarmayın ki, bu da gəlib keçəcək.

Əlamətlər:

Körpənizin

- Gün ərzində dəfələrlə dayanmadan ağlaması;

- Əllərini yumruq şəklində bərk bükməsi;

- Ayaqlarını qarnına tərəf yığması;

- Qazını çıxarması;

- Üz-gözünü bürüşdürməsi.

Bunun səbəbləri (birdən çox ola bilər):

- Tam inkişaf etməmiş mədə-bağırsaq sistemi;

- Həssas sinir sistemi;

- Həddən artıq qaz/köp və ya körpənin normadan çox yedizdirilməsi;

- Süni qidanın uyğunsuzluğu;

- Körpənin əmizdirən ananın yediyi hər hansı bir ərzağa əks reaksiyası;

- Körpənin həddən artıq oyanıq və nəticədə yorğun olması.

Nə edə bilərsiniz?

- Körpənizi öz bədəninizə sıxın;

- Körpənizi hər hansı formada hərəkətdə saxlayın:

- Qucağınızda gəzdirin;

- Körpə yelləncəyində yellədin;

- Özü yırğalanan oturacaqda yırğalayın;

- Ayaq üstə o yan bu yana yırğalayın;

- Maşında və ya uşaq arabasında gəzdirin;

- Körpəni slinqdə gəzdirin.

- Köp damcıları verin (yalnız pediatrın məsləhəti əsasında);

- Monoton səslərlə (axar su, tozsoran, paltar yuyan/qurudan, fen) körpənizi sakitləşdirin;

- Gündə bir neçə dəfə körpənizi özünüzə (bədəninizə) sıxın;

- Körpənizi yüngül bələyin;

- Körpənizi soyundurun və qoyun rahat hərəkət etsin;

- Çoxlu hərəkət, yüksək səs və parlaq işıqla körpəni həddən çox yormaqdan çəkinin;

- Müxtəlif səslər, yerlər və əşyalarla körpənin fikrini yayındırın;

- Körpənin qarnına ehmalca sıxın:

- Körpənizi “kolik vəziyyətində” saxlayın (üzü üstə, qolunuz və ya biləyinizlə dəstək verərək körpənizin qarnını sıxın);

- Körpənizi çiyniniz və ya diziniz üstə saxlayın.

- Körpənizin ayaqlarını velosiped sürürmüş kimi hərəkət etdirin;

- Hər hansı bir ərzağın körpənizi narahat edib-etmədiyini müəyyən etmək üçün yediyiniz yeməkləri qeyd edin (4-6 saat çəkə bilər);

- Əmizdirmə məsləhətçisi ilə danışın. O sizə “ön” və “arxa” süd balansını qorumaq üçün hər əmizdirmədə yalnız bir döşü verməyi və ya başqa üsulları təklif edə bilər;

Siz bir az ara verin, istirahət edin, qoyun başqa birisi sizə kömək etsin. Körpəniz sizin gərginliyinizi hiss edə bilər.

Müəllif: Vergie Hughes (RN, MS, IBCLC, FILCA) əmizdirmə məsləhətçisi,
“Lactation Education Resources” proqram direktorudur.
Tərcümə edən: Həmidə AğaHüseynova,

Əmizdirən ana,
“VİBaby” layihəsinin üzvü.

vib.az

.


Saglamolun.Az

.....

.
.

HƏKİMLƏR

Aynur Səfiyeva

Aynur Səfiyeva

Proktologiya

Ümumi cərrah, kolorektal cərrahiyyə üzrə mütəxəssis Avropa Koloproktoloji Assosiasiyasının ilk milli...

Ətraflı...
Vəfa Paşazadə

Vəfa Paşazadə

Dietologiya

Ümumi cərrah, bariatric dietoloq, sağlam qidalanma üzrə mütəxəssis. İş stajı -...

Ətraflı...
Əli Əlizadə

Əli Əlizadə

Osteopatiya

Osteopat, revmatoloq İş stajı - 26 il

Ətraflı...

SON YAZILAR

Яндекс.Метрика