Arıqlamaq istəyənlər içsin - Sarımsaqlı çay

Sarımsağın faydaları saymaqla bitmir. Amma mütəxəssislər sarımsaqlı çayın da orqanizmin sağlamlığına xeyirli olduğunu deyirlər.

Ailem.az sarımsaqlı çayın sadə üsulla hazırlanma qaydasını diqqətinizə çatdırır.

Sarımsaqlı çay resepti:

- 3 diş sarımsaq

- 1 çay qaşığı rəndələnmiş zəncəfil

- 1 stəkan su

- Bir az təbii limon suyu

Əvvəlcə orta ölçülü qabın içinə 1 stəkan su tökülür və bura rəndələnmiş 1 çay qaşığı zəncəfil qoyulur. Bunun əvəzinə 3 parça quru zəncəfil də istifadə etmək olar. Sonra qaynaması üçün qab ocağa qoyulur. Digər yandan isə sarımsaqlar təmizlənərək əzilir. Zəncəfilli su qaynadıqdan sonra onun içərisinə 3 diş əzilmiş sarımsaq əlavə edilir. Qarışıq bir az qarışdırıldıqdan sonra ocaqdan götürülür. Hazırlanan çay 10 dəqiqə dəmləndikdən sonra süzülür və üzərinə bir qədər limon sıxılır.

Qeyd edək ki, limon suyu əvəzinə təbii limon istifadə edilməlidir. Limon sıxıldıqdan sonra çay içilməyə hazır vəziyyətə gəlir.

Sarımsaqlı çay bir stəkan hazırlanır, amma iki stəkana ayrılaraq səhər və axşam olmaqla gündə iki dəfə içilir. Sarımsaqlı çay içilərkən içinə şəkər qatılmamalıdır. Şəkər qatıldıqdan sonra bu çayı içməyin mənası yoxdur. Əslində arıqlama çayı olaraq hazırlanan heç bir çayın içərisinə şəkər əlavə edilməməlidir.

Reseptini verdiyimiz sarımsaqlı çay maddələr mübadiləsinin sürətlənməsinə kömək olur və həzmi asanlaşdırır. Bununla yanaşı orqanizmdəki yağların atılmasına da təsir edir. Həmçinin toxluq hissi yaradır və beləliklə, arıqlamağa kömək olur.

Qeyd edək ki, arıqladan sarımsaqlı çayın hamilə və əmizdirən qadınların istifadə etməsi məsləhət görülmür. Həmçinin mədə-bağırsaq sistemi xəstəlikləri zamanı da bu çaydan istifadə etmək tövsiyə olunmur.


Saglamolun.Az

.
Загрузка...
.

.

HƏKİMLƏR

Fuad Əliyev

Fuad Əliyev

Endokrinologiya

Tiroidoloq (zob xəstəlikləri) İş stajı - 10 il

Ətraflı...
Aytəkin Quliyeva

Aytəkin Quliyeva

Trixologiya

Trixoloq (saç üzrə mütəxəssis) İş stajı - 9 il

Ətraflı...
Ağayeva Aytən Rauf qızı

Ağayeva Aytən…

Endokrinologiya

Cərrah-endokrinoloq Əmək stajı - 22 il

Ətraflı...

SON YAZILAR

Яндекс.Метрика