DÜNYAYA SƏS SALAN SEVGİ HEKAYƏSİ 

Birinin 92, o birinin 94 yaşı var idi.

Braziliyada, evliliklərinin 74-cü ildönümündən iki gün sonra, 10 saat fərqlə, həyat yoldaşları Odileta Panzani de Haro və Pachoal de Haro vəfat ediblər. 

Qadın ahıl yaşlarında Alzheimer xəstəliyindən əziyyət çəkib və əri ona qulluq edib. 2023-cü ildə qadına terminal kolon xərçəngi diaqnozu qoyulub. Həyat yoldaşının diaqnozunu öyrəndiyi gündən, onunla eyni gündə dünyadan köçmək üçün dua edirmiş. Görünür cənab Pachoal de Haronun duaları qəbul olunub. 

Həyat yoldaşından 10 saat sonra o da vəfat edib. 

Ömür boyu parça biznesi ilə məşğul olan, altı övlad valideyni bu cütlük tək analara və ehtiyacı olanlara kömək edən xeyriyyə fondunun da təsisçiləri olub.

HƏKİM DEMƏDƏN QƏBUL ETMƏYİN

Son elmi araşdırmalar göstərir ki, gündəlik istifadə edilən ağrıkəsici dərmanlar uzunmüddətli sağlamlıq problemlərinə səbəb ola bilər. Harvard Universitetinin Tibb Fakültəsi tərəfindən aparılmış genişmiqyaslı tədqiqatda məlum olub ki, xüsusilə opioid və NSAID qrupuna aid dərmanlar böyrək, qaraciyər və ürək sisteminə ciddi təsirlər göstərir.

Tədqiqatçılar bildirir ki, ibuprofen və aspirin kimi qeyri-steroid ağrıkəsicilərin həddindən artıq istifadəsi mədə-bağırsaq qanamaları və yüksək təzyiq riskini artırır. Eyni zamanda, paratsetamolun (asetaminofen) yüksək dozaları qaraciyər çatışmazlığına səbəb ola bilər. “Hər gün bu dərmanları qəbul edən minlərlə insan, onların yan təsirlərindən xəbərsizdir,” – deyə baş tədqiqatçı Dr. Helen Chu bildirib (source: Harvard Health Publishing).

Araşdırma nəticələri ÜST-ün də diqqətini çəkib və artıq ağrıkəsici dərmanların daha sərt nəzarətə alınması ilə bağlı tövsiyələr hazırlanır. Mütəxəssislər vətəndaşlara yalnız həkim məsləhəti ilə dərman qəbul etməyi tövsiyə edir.

ƏRSLƏRİN İDDİASI İFŞA EDİLDİ

Analitik zəkanın mənbəyi “rasional sol” və kreativliyin qaynağı sayılan “yaradıcı sağ” beyin yarımkürələri haqqında iddialar ifşa edildi. 

Massaçusets Texnologiya İnstitutunun (MIT) alimləri müəyyən ediblər ki, biz beynimizin hər iki hissəsi ilə düşünürük. Bu barədə "Neuropsychologia" jurnalında dərc olunmuş tədqiqatda qeyd olunub.

Elm adamları iddia edir ki, görmə zamanı beyin hələ də vizual məkanın əks tərəfini emal edir: beynin sol yarımkürəsi baxışın sağ tərəfini, sağ yarımkürəsi isə sol tərəfini işləyir. Bu isə görmədə "kor zonaların" qarşısını alaraq məlumatın daha effektiv qəbuluna şərait yaradır.

Alimlər, həmçinin sübut ediblər ki, informasiyanın beyində birləşdirildiyi düşünülən prefrontal korteksdə vizual siqnallar ilkin olaraq əks yarımkürəyə yönəldilir.

Araşdırmalar göstərir ki, obyektlər baxışın hər iki tərəfinə yayıldıqda yaddaşda daha yaxşı qalır. Lakin eyni anda hər tərəfdə yalnız bir obyekt izlənilə bilər.

Ən maraqlısı isə budur ki, obyekt görmə sahəsinin bir tərəfindən digərinə keçdikdə, beyin saniyənin içində məlumatı bir yarımkürədən digərinə ötürür. Bu proses mobil rabitədə siqnalın bir stansiyadan digərinə keçməsinə bənzəyir və nəticədə ətraf mühiti fasiləsiz və tam şəkildə qavramağımıza imkan verir.

VƏ BU HƏLƏ SON DEYİL…
Çətənə kolundan mütəmadi istifadə kişilərdə erektil disfunksiya, yəni impotensiya kimi sağlamlıq problemləri yaradır. Qadınlarda isə depressiyanın ağır formaları müşahidə edilir.
Heyvanlar və insanlar üzərində aparılan tədqiqatlar göstərir ki, marixuana, xüsusilə uzun müddət müntəzəm istifadə edildikdə, asılılıq yaradır. Daimi istifadə insanın həyatı ilə bağlı digər bütün zövqlərini kütləşdirir. Reallıqla bağlı dərketməni təhrif edir və istifadəçilər cəmiyyətdən özünü təcrid edib təkliyə çəkilir.
Avstraliyada 1601 nəfərin iştirakı ilə aparılan araşdırmada, istifadədən 7 il sonra ağır depressiya halları müşahidə olunub. Marixuananın şizofreniya və digər psixotik pozuntunları daha da qabartdığı və psixozun inkişafına səbəb olduğu da məlum olub.
İsveçdə 50.000 gənc əsgərinin iştirak etdiyi bir araşdırma, həftədə ən azı bir dəfə marixuana çəkənlərin, heç istifadə etməyənlərə nisbətən şizofreniya xəstəliyinə tutulma ehtimalının iki dəfə çox olduğu məlum olub.
Hazırda Azərbaycan da daxil olmaqla dünyanəın 163 ölkəsində kannabisdən istəfadə qanunla qadağa edilib.