HƏKİM İZAH EDİB
Mütəxəssislər 60/60 qaydasına riayət etməyi tövsiyə edir. Musiqiyə fasiləsiz olaraq maksimum 60 dəqiqə, 60% səs səviyyəsində qulaq asmaq, sonra isə 5–10 dəqiqəlik fasilə vermək lazımdır. Əgər siz daha yüksək səsə üstünlük verirsinizsə, bu halda gündəlik dinləmə müddəti 30 dəqiqədən çox olmamalıdır.” Bu barədə otorinolarinqoloq-surdoloq Larisa Vılejanina məlumat verib.
“Təhlükəsiz hesab edilən səs səviyyəsi maksimumun 60%-i keçməməlidir. Əgər siz musiqiyə daha yüksək səslə, xüsusilə də 85 desibeldən yuxarı səviyyədə qulaq asırsınızsa, eşitmə qabiliyyətinizin zədələnmə riski əhəmiyyətli dərəcədə artır. Əgər musiqi dinlədikdən sonra qulaqlarınızda cingiltı və ya uğultu hiss edirsinizsə, nitq və ya digər səsləri əvvəlkindən daha çətin ayırd etməyə başlayırsınızsa bu, səsin çox yüksək olduğunun əlamətidir. Bu kimi simptomlar eşitmənin zədələndiyindən xəbər verir və belə halda həkimə mümkün qədər tez müraciət etmək vacibdir” — deyə həkim izah edib.
Saglamolun.Az
